Puipuia

Vawiin ni hi nghakhlel takin ka thlir thin a, ka nghak chhuak ta. Ni a lo chhuak a, tlaiah a tla leh a, zan a lo thleng ta. A ral leh tep tawh. A kum zawng chuan zung thum thliah lek ni mahse, a darkar leh minute zawng chuan chhiar fè chu ngai ve ta. Vawiin ni, tun ang hun kha vawiin ni ka nghahlelh chhan  chu a ni. Beisei ang leh kan duh dan angin thil a thleng ngai lo tih hrechiangtu ber ni mah i la, vawiin hi chuan engkim duhthusamin lo thleng se ka ti khawp mai. Ka nghahhlelh em em ni chu ka khawhar ber ni a ni thung a, chhungrilah ka ruak huai a, ka kawrkilh leh kawnghrenin a pawh chîp phak a ni si lo. Ka nghahhlelh vawiin ni ai chuan nimin kha ka ngai zawk a. Nimina vawiin hun lo thleng tur ka suangtuah lai hun vel kha vawiin ni ka hman nawm dan ber leh ka hlimna ber a ni ta thung si. Aw, hun neitu ni i la, vawiin ni atang hian pén thumin ka tawlhkir thei tur.

Ruah a sur cherh cherh a, a tam leh thut a. Mut titui tawk velin a tla leh seng seng a. Zan dang ang bawkin ka la meng kar a. Zing dar 2 chu a lo ri leh ta reng mai. Mut chhuakin min rawn zěm tan a, mang hriat ruaiin ka thil ngaituah chuan min kai harh leh a. Ka mutthilh lai erawh ka hre lo. Tingtang ka kuah a, uluk em emin ka zai a. Ka bengah chuan hmeichhe zai a ri daih thung lawi a. A hla chu tiang deuh hian: If you live another day in this happy little house The fires here to stay I am here to stay...

Ramthar Zai Leh Chalmar Zai 1. Thuhma             Mizo hla hlui zir tur kan ni a, fimkhur thiam a ngai hle mai.Hla tam tak chu a chhuah hun leh a lâr hunlai hre phakte’n mual an liam zo tawh a.|henkhat chu sak hlawh tawh lo te, changkannain a tlansan tak te, hla saa zaina hmun pui ber ni \hin zu hmunah pawh hla dangin a luahlan tawh hlawm a. Vawiin thlenga sak hlawh leh hriat la awm tlemte pawh hi dik tawk vak tawh lo te, tlema her danglam te pawh a awm nuk tawh awm e.             Chuti ang a nih mek lai chuan tuna hla hlui timi deuhte pawh hian an rin dan leh ngaih dana dik nia an hriat, an ngaihruat tam tak a awm ve bawk. A ni reng lah tak a, Pathian thu awihho tan chuan heng Mizo hla hlui kan tih tâk, hmanlai hlate kha chu ‘sak thiang lo’ a ni a. Tuna la dam kum sawmriat (80) chinte zingah pawh hian a tam zawk chuan an hunlai pawhin an sa ngam lutuk bik lo ang t...

Saikuti Zai Thlirna 1. Introduction Hmanlai Mizote kha zai ngaina tak leh an thil tihna kawng hrang hranga zai reng mai an ni a. Chuvangin hla phuah thiamte kha an hlu hle. Hla thluk siamna ( Solfa) an la hriat loh vang a nih a rinawm; mi nazawngin hla an phuah thei lo a, thluk hran hlaka phuah theite chuan an hming a pu deuh zel a, chuti ang thluk chuan mi tam takin an phuah ve mai bawk \hin. Mi nazawngin hla an phuah thiam loh avang hian hla phuah thiamte hi an lar vet vet thei hle a. Lalte meuh pawhin hla phuah thiamte chu an duhsakin, khaw hla tak tak a\ang pawhin an chah vang vang duh \hin. Mizo Zai hi a bu chuan za chuang lai awm a, chung zinga hla lar leh tam ber zinga mi chu Saikuti Zai hi a nih a rinawm. 2. Saikuti Chanchin Saikuti hi kum 1830-ah a piang a. A pianna khua hi sawi dan chi hrang a awm a, B. Lalthangliana chuan, “…Hmar veng Vanlaiphai kianga Hlingvawm khuaah a piang a. Heta an chen lai hian hla a phuah \an tawh a, ‘Hlingvawm Zai’ an ti \hin” (Mizo H...