Mizo Tawnga Hnam Dang Tawng Hnuhma



H. Lalhriatzuala
Miz/4/CC/23
24 March 2017
 
1. Introduction:
            Khawvel hnam hrang hrangte danglamna leh inan lohna lian tak chu \awng hi a ni. Chutih rualin, \awng hi hnam min phuar khawmtu ber a ni bawk. Mizo \awnga hnam dang \awng hnuhma kan tiha ‘hnam dang’ tih hian Mizo hanhthlak ni lo, Mizo \awng hmang lo, Mizote sawi dana Sap leh Vai inkara mi zawng zawng a huam thei awm e.
            Mizote hian hnam dang tia an sawi \hin; vun ngo chu – Sap, vun hang/dum chu – vai, tih ringawt lo deuh hi \awng dang hmang tam tak khawvelah hian an awm a. Khawvelah hian hnam chi thum – Mizo, Sap leh Vai awm anga ngaihna hi hmanlai Mizote ngaihdan pakhat a ni ve rêng a. Chumi ngaihdanah chuan \awng pawh chi thum – Mizo \awng, Sap \awng leh Vai \awng chauh awm anga ngaih mai theih a ni.
            Amaherawhchu, mingo zawng zawng ‘Sap’ leh vun hang zawng zawng ‘Vai’ han tih ngawt hi a dik tawk ber tawh lo a. Sap leh Vai inkara Mizo vun rawng ang pu pawh hnam tam fe an awm a, \awng hrang pawh tam tak a awm bawk. Chuvangin, hnam dang \awng tihah pawh hian Mizo hnahthlak \awnghote tel loin \awng chi hrang hrang huamtir a ngai dawn a; chutih rualin, Mizo \awnga hnuhma lian tham nei \awng chu Sap (English) leh Vai (Hindi) a ni tho mai.
2. Mizo |awng:
            Mizo \awng hi Duhlian \awng emaw, Lusei \awng emaw, tia sawi leh vuah a ni bawk. Tunlai hunah chuan Mizo \awng tih hi sawi dan tam ber a ni tawh. Mizo \awng chu Mizo hnam, Mizorama cheng te, Manipur te, Cachar ram te, Tripura ram te leh Burma ramtea Mizo awmte \awng hman ber a ni.
            Mizo \awng hi \awng-chik-mi (Linguist)-ho chuan Tibeto-Burman \awng tam takte zinga \awng pakhatah an dah a. Tibeto-Burman hi Tibeto-Chinese zinga \awng peng pakhat a ni. Mizo \awng hi kum 1894-a AAWB, Pu Buanga (JH.Lorrain) leh Sap Upa (FW. Savidge)-in an siam hma chuan inbiak nan chauha hman \hin a ni.
3. Hnam Dang |awng Hnuhma:
            Mizo hi zirnaah hmasawn chakin thiamnaah pawh a sang chak hle a. English leh Hindi thiam an pung zel a, thu sawina tam takah Mizo \awng hlanga thu sawi theih a ni meuh tawh lo. Fiamthua an sawi \hin dan ang deuhin, Mizo \awng leh Sap \awng a inzah nawk ta tih theih a ni. Hnam dang \awng pahnih – English leh Hindi-in Mizo \awnga hnuhma a neih dan hi lo en ila:
3.1 English:
Sap \awng (English) Mizo \awng tuallenga hman hi chhiar dawn ila phek za tam daih chhiar tur a awm tawh ngei ang tih phat rual a ni lo. An lam dan hrula Mizo \awng hmana hman tak te, a Sap \awng sipel ngai ngaia seng luh takte leh a Sap \awng lehlinna Mizo \awng a pahniha hman ve vete tak pawh a awm bawk.
Entir nan:
3.1.1. Sap \awng, a Sap \awng lam dan hrula lama Mizo \awng hmana hman zui tak te chu
Bottle – Bawtawl
Christmas – Krismas
Ciggaretes – Sikret
Kettle – Ketli
Dozen – Dawrzawn, leh a dangte.
3.1.2. Sap \awng, a sipel tidanglam lova a ngai ngaia kan hman te
Mizo \awnga sawi kher tum lo leh sawi kher ngai loa a Sap \awng thumal kan hman ve maite chauh lo tar lang ila
Computer, Film, Cooker, Stool, Television (tv), Gas, Pin, Tube light, leh a dangte.
3.1.3. Sap \awng, a Sap \awng leh Mizo \awnga lehlinna kan hman ve te (Sap \awng leh Mizo \awng hman pawlh, hman ve vete) :
Accident – Tawhsual
Advertisement – Fakna, Hriattirna
Agenda – Thu ngaihtuah tur
Adict – Ngawlvei
Article – Thuziak, leh a dangte.
3.2 Hindi:
3.2.1. Vai \awng (Hindi), an lam dan leh an lam dan ang hrula lama Mizo \awng anga hman tawh te:
Alkatara – Alkatra
Alu – Alu
Chandmari – Chanmari
Bora – Buara
Bazaar – Bazar, leh a dangte.
3.2.2. Vai \awng, a Vai \awng leh Mizo \awnga lehlinna kan hman ve vete:
Aara – Ara/Thingzaina
Cappal – Chappal/Vawthlep
Chhutti – Chhu\i/Chawl/Chawlh
Hafta/Safta – Hapta/Chawlhkar, leh a a dangte.
Heng kan sawi tak a\ang ringawt pawh hian \awng dangin Mizo \awng pawlhsawpzia chiang takin a hmuh theih awm e. Hnam dang \awng sengluh hi thil tih âwm lo leh tihngai loh a ni hranpa lo. Chuti ang zingah chuan English hi \awng dang a\anga senglut hnem ber a ni lâwtlak ngei ang. Latin, Grik, Scandinavian, French \awng a\anga an lak luh ringawt pawh hi paih leh tur ni ta se a an \awng zah ve dawn lai a ngai ngei ang.
|awng hi thil nung anga che thei leh danglam thei, a hmel leh awmzia inthlak thei, \thang leh piang danglam thei a ni. Sap-ho chuan \awng dang a\anga an lakluh hmangin an \awng an tihausa ti ila kan tisual tam lo ang. Chuti ang chuan \awng hi a \hang reng a, thi tawk awm bawk mah se a hmangtu a zirin a larin a lar lo thei tho bawk.
Mizo \awng pawh hi a \hang lian chho zel niin a hriat. British-in Mizoram a awp hma |iau kân lai vela \awng leh Mizoram State-a hlan kai a nih hnua \awng chu a danglam hle tawh ang a, thumal thi leh a awmze hriat tawh loh tam tak a awm bawk ang. Thiamna leh finna sang zelin hmasawnna a ken telah kawng tam takin, loh theih lohna avanga hnam dang \awng hman ngaih chang a awm a, tunlai hunah phei chuan \awng dangin Mizo \awng a luahlanna hmun tam tak pawh a awm tawh bawk.
Nitin sikul a lo \ha chho tial tial a, ziak leh chhiar tam lamah miten hma an sawn zel a. Chanchinbute a punga, lehkhabu lehlin leh ziak tharte pawh a indawt chho zut tawh a. Mizoin kawng tinrengin hmasawnna a zawh a. Indopui pakhatna hunlaiin Mizo tlangval sangkhat vel France ramah an kal a. Hnam dang \awngkauchheh pawh mi tam takin an hmang ta a. Chung mite chu mipuiin an lo ngaihsan avang leh an sawi ang apiang sawi ve chakna lian tak a lo awm tâk zel avangin Mizo \awnga sengluh tawk a lo \hahnem tial tial a. A hun leh ni chiah sawi theih lohin Mizo \awng thumal pangngai ang maia hman chhoh a lo ni ta hlawm a ni.
Vai \awng tih hian Hindi mai bakah, Urdu, Arabic, Persian, Sanskrit leh Bengali thlengin a huap thei awm e. A ziah dan leh a lam dan inang thlip thlep lo mah se, hnam dang \awng hman bel tawh hi a \hahnem viau tawh a ni.
Sap \awng tia kan sawi hote hi Vai \awng ai mahin sengluh a tam tawh awm e. Amaherawhchu, Mizo \awnga sengluh nia pawm chin erawh a inang lo thei nuk ang. Mizo lehkha thiam hmasa leh Sawrkar hnathawk hmasate khan Sap \awng ‘tih-Mizo’ aiin a Sap \awng pangngaia hman ve mai an duh deuh zel niin a lang.
Sap \awng, Sapho hman dan ang anga hman chu changkanna leh zahawmna hriltu pakhat niin a lang bawk. Mizo \awnga sawi theih reng, Mizo \awnga a tlukpui thumal awm sa reng pawh vawrh darh leh sawi chhuah ai chuan Sap \awng thumal zeh zeuh zeuh chu thil mawi leh changkang a ni a, chuti ang chuan thuziak hmasa lamah pawh Sap \awng thumal a tam \hin hle.
Zosapte hunlaiin Sap \awng thumal \henkhat chu Mizlo lamrik thiam dan ang zawnga ziak leh sawi a ni \hin. Zirlaibu leh Pathian thu lamah pawh eng emaw zat chu a lamrik dan anga ziak a ni. Entir nan, School tih chu Sikul tih a ni a, Skul ti an awm bawk. Exam chu Ekzam tih ang chi hian thumal tam tak chu hman a ni.
Pathian thu lama hawi thumalhote pawh tihdanglam \hin a ni bawk a. Entir nan, Ephesi tih chu Efesi, Philipi tih chu Filipi, Apostle tih chu Apawstawl, Doctor tih chu Daktawr, Cross tih chu Kraws tih a ni a. Heti ang chi hi hun rei tak chhung hman a ni a, \henkhat hi chu a Sap \awng ang ngau ngaua hman a ni tawh zawk mah.
4. Tlipna:
Mihring pangngai chuan hma lam pan duhna thinlung kan pu \heuh awm e. Mizote zingah pawh \hang zel a, hmasawn zel duhna a lian ta hle. Chu chuan hnam dang tih dan leh an \awng hmante pawh hman pawlh nawk nawk duhna a hring chhuak a tih theih awm e. A chang phei chuan Mizo \awng zahpui zawk hial te pawh an awm mah na. Mizo \awng tihhausak leh tihphuisui aia zahpuina, thiam lo nih châkna hial \henkhat chuan an nei.
Sap ngaihsanna hian Mizo \awngah hnuhma lian tak a nei. Tin, sawrkarin \awng hman bera a neih avangin Mizo hlang awm khawmnaah pawh English hman a ngaihna hmun tam tak a awm tawh a ni. Chuvangin, English hi \awng tualleng a chang anga, Mizo \awng hi a luahlan lo ang tih sawi thiam har a ni tawh mai thei. Eizawnna leh nitin khawsak phungin Mizo \awng aia hnam dang \awng a mamawh tam zawk na na na chuan \hangthar, chuan lo la awm zel tur tan Mizo \awng thiam leh hman \ulna a awm lo ang.


Bibliography
Chhangte, Ralluaii. Mizo |awng Chikna. Aizawl: Hnamte Press. 2001
Chhuanvawra, C,. Mizo |awng Chhuina. Aizawl: JP Offset Printers. 2012
…- Zo Khawthlir. Aizawl: JP Offset Printers. 2010
Mizo Academy of Letters. Zo Kalsiam. Aizawl: RTM Press. 1997
Mizo Literature & Language Teachers Academy. Mizo |awng Zirzauna Bu Thar. Aizawl: 
       Felfim Computers. 2015
Sailo, Lalthangfala. Lunglai Hnemtu. Aizawl: Gilzom Offset. 2011

Comments

  1. Chhana Chhangte19 February 2022 at 00:53

    He thu ziak hi zirlai puitu tur ka zawnna lamah ka haichhuak nawlh maia,ka ṭangkaipui hle mai..A ziaktu chungah ka lawm em em em

    ReplyDelete

Post a Comment

Popular posts from this blog

Critical Analysis of Church Going

“Church Going” by philip larkin Church Going, written in 1954, is a monologue in which the speaker discusses the futility and the utility of going to a church. It clearly reveals the social context of the time when it was written. It was a time of general decline in the attendance in churches which had begun to take place in 1945. Philip Larkin, a contemporary poet, wrote ‘Church Going’ after World War II, when the shattering influence of war was at its peak and there were constant social changes. Poet noticed the people’s dependence on the church was fading, which leads us to the two possible meanings of the title ‘Church Going’, the first being the weekly act of going to a church, or the fading away of the church. The poet himself wasn’t a believer in the church, he was agnostic and indifferent, and the speaker in the poem could be the poet himself or a persona adopted by him. The poem talks about the speaker’s thoughts as he enters a vast, empty church and wonders what wil...
Read more

Aizawlah Aizawler-Review

  Practical Criticism: Aizawlah Aizawler   Bu Hming:                  Aizawlah Aizawler Ziaktu & Chhuahtu:     Lalhruaitluanga Chawngte Chhutu:                       Samaritan Printer, Aizawl Chhuah Kum:               December, 2016 Lawmman Dawn:        M.A.L Book of the Year, 2016 1. Thuhma ‘Ui pawh a vah a vah chuan ek \hing a tawng nge nge \hin’ an lo timathlawn loin, zankhawtairek thleng thlenga vak vak ta na nâ na chuan thil hmuh leh tawn hriat eng emaw tak zawng a nei chek ang. He lehkhabuah pawh hian chuti anga a vah velna leh a thil tawn a\angtea a vei zawng leh a duh zawng a ziaktuin a ziahna a lang kur ngei nguai a ni. He lehkhabu hi hlawm hnihah \hen a ni a. ...
Read more

Saikuti Zai Thlirna

Saikuti Zai Thlirna 1. Introduction Hmanlai Mizote kha zai ngaina tak leh an thil tihna kawng hrang hranga zai reng mai an ni a. Chuvangin hla phuah thiamte kha an hlu hle. Hla thluk siamna ( Solfa) an la hriat loh vang a nih a rinawm; mi nazawngin hla an phuah thei lo a, thluk hran hlaka phuah theite chuan an hming a pu deuh zel a, chuti ang thluk chuan mi tam takin an phuah ve mai bawk \hin. Mi nazawngin hla an phuah thiam loh avang hian hla phuah thiamte hi an lar vet vet thei hle a. Lalte meuh pawhin hla phuah thiamte chu an duhsakin, khaw hla tak tak a\ang pawhin an chah vang vang duh \hin. Mizo Zai hi a bu chuan za chuang lai awm a, chung zinga hla lar leh tam ber zinga mi chu Saikuti Zai hi a nih a rinawm. 2. Saikuti Chanchin Saikuti hi kum 1830-ah a piang a. A pianna khua hi sawi dan chi hrang a awm a, B. Lalthangliana chuan, “…Hmar veng Vanlaiphai kianga Hlingvawm khuaah a piang a. Heta an chen lai hian hla a phuah \an tawh a, ‘Hlingvawm Zai’ an ti \hin” (Mizo H...
Read more